Uploaded December 2018 | Updated September 2026, 13 hours ago

---

കഴിഞ്ഞ തവണ ഇൻഡോനേഷ്യയിൽ നിന്നുവന്ന Satan's Slaves ആയിരുന്നു ചലച്ചിത്രോത്സവത്തെ ഭയത്തിന്റെ മുൾമുനയിൽ നിർത്തിയതെങ്കിൽ ഇക്കുറി ഇന്ത്യൻ മണ്ണിൽ നിന്നു തന്നെ ഒരു സൂപ്പർനാച്യുറൽ ഹൊറർ ത്രില്ലർ നിശാഗന്ധിയിലെ പാതിരാ തിരശീലയിൽ പതിഞ്ഞു. രാഹി അനിൽ ബാർവെയും അദേഷ് പ്രസാദും ചേർന്ന് സംവിധാനം ചെയ്ത ഹൊറർ ത്രില്ലർ ‘തുംബാദ്’.

2012ൽ ഷൂട്ടിങ് ആരംഭിച്ച ഇൗ ചിത്രം 2018ലാണ് പൂർത്തിയായത്. അതിനുമുണ്ട് ഒരു കാരണം. കഥ നടക്കുന്ന സാങ്കൽപ്പിക ഗ്രാമമായ തുംബാദിനെ വിടാതെ പിന്തുടരുന്ന മഴയ്ക്കു വേണ്ടിയുള്ള കാത്തിരിപ്പായിരുന്നു. നൂറു കോടികൾ കടന്ന സിനിമ വിസ്മയങ്ങൾക്കിടയിൽ ഇൗ ചിത്രത്തിന് വേണ്ടിവന്നത് 15 കോടിയാണ്.